Parau no Afa'ahiti

PARAU NO AFA’AHITI

 

E fenua tera, e fenua terera’a no’u e ¡

O Taravao nui ia nu’u’tu na raro e,

 

To farapai e te ara,

Te patia ri’i mata’oi’oi

 

Te huira’a mapua i te vai maru

 

Tara’a i te tuna tapahi noa.

 

O mata’i tupana te taro

Pota ao nunui i te ai’a

Toia va’a tei Vaiova’u

 

O aru Hotu

I te amara e rurura’a tini

 

I te tupe iti i te ara o te ava

 

I te ohiti mata-roroa i tahatai e

 

Pahua ite one tea o te a’au,

 

E honu, e fai i te aero haavinivini

 

I To’a-pu i te parau ri’i here.

 

Pô na Afaahiti

Tai haruru i te ava fa’ahaha

 

E aoa’ra’a-moa rii

Te fa’aro’ohia mai i uta

Tei Afa’ahiti te i’a ma’a

 

I tu ti’a i te anuanua

Opu pa’ia i te tai e po

 

I motu-nono i te fe’e onohi noa

Ai urà i te fei fa’ari’ari,

I te tô farara, i te poti i te ai’a

Puna tea e na huitapairu.

Polynesian Triangle Association

Créer un site gratuit avec e-monsite - Signaler un contenu illicite sur ce site

×